Tønner

Det har frå gamalt av vorte salta sild i tønner. No går det meste av tønnene til fiskebruka langs kysten for å salte torskerogn til kaviarproduksjonen, men det går òg til salting av kjøtt og fisk.

Tønna vert ikkje lenger berre nytta til tradisjonelt bruk. I dag er det mange som vil ha tønner heime eller i eit maritimt miljø, både som innreiing og praktisk bruk, for eksempel til å samle regnvatn, til oppbevaring eller som beredskapslager for matvarer som korn og grønnsaker.

Tønnene våre har ulik storleik. I motsetning til kva ein kanskje trur, er ikkje ei halvtønne ei tønne som er kappa i to, men den har omlag halve volumet av ei heiltønne. Vidare er det fjerding (1/4) og åttring (1/8)

Stampar er ypparlege til å plante i eller bruke til oppbevaring.
Stampar kan fåast både med og utan hank. Som tønna finst stampen i forskjellige storleikar.